Cerita Bahasa Jawa: Aku Njaluk Genine

SIJI

Yen disawang, aku mono sawijining wong lanang kang urip mulya mukti wibawa. Lha kepiye nek ora? Umurku lagi 36 tahun, nanging jabatanku wis dhuwur tumrap pawongan saumuranku,  yaiku Direktur Utama PT. TECHNO INTERNUSA. Sawijining perusahaan babagan hitech engineering papan atas ing Jakarta.

Minangka Direktur Utama, mesthi wae aku sugih brewu.

Omah? Aku duwe omah mewah ing daerah Kemang lan Kelapa Gading kang ukurane ora kurang saka 2.000 m². Uga duwe villa manssion ana daerah Ciawi Bogor kang kumplit karo taman kang ambane udakara 8.000 m².

Mobil? Mobilku ana yen mung telu: Rubicon, Alphard, lan Mercy S Class.

Bojo? Ya mesthi wae aku duwe bojo sing ayu banget. Dhuwur semampai, putih, mancung. Angel ngandhake piye ayune. Kira² kaya bintang film biyen kang aran Lily Caratty

Anak? Aku lagi duwe anak siji umur 8 tahun kang aran Baskoro.

Lho, elok banget ta kahanane uripku? Kabeh uwong yen meruhi ngene mesthi kepengin. Mesthi meri.

Nanging upama ana sing takon: Apa uripku ayem? Ora! Apa atiku jenjem? Ora! Apa uripku bahagia? Ora!. Yen menawa aku ketok gagah, bahagia, ayem, sejatine kuwi mung samudana. Mung ethok² an wae. Mung penampilan wae.

Asline lan saktenane, telung tahun pungkasan iki aku krasa banget yen kesiksa batin sakjroning urip. Aku kepengin urip biasa wae, nanging wis ora bisa! Aku ora bisa urip ayem nanging aku ya ora bisa terus dadi urip mlarat. Kabeh mau merga pokalku kuwi. Pepesthenku dadi wong sugih! Dadi iki minangka dalan urip sing kudu tak lakoni.

Biyen aku lulusan Polyteknik Jurusan Elektro, terus ketampa nyambut gawe ana sawijining perusahaan komputer. Nanging ya kuwi opahe nyambut gawe mung standar UMR! Mengkono sabanjure aku terus pindhah nyambut gawe saka siji perusahaan marang perusahaan liyane. Nangin tetep wae opahku standar UMR.

Telung tahun nglakoni mangkono aku banjur ora betah. Saking cuthele atiku, aku metu saka nyambut gawe.  Kanthi ati kang kosong, aku banjur mlaku ijen tanpa rowang. Embuh piye nalare, suwe2 anggonku lumaku tekan pesisir kidul ya kuwi ing Pandhansimo.

Merga katut melu wong2 ana ing kono aku ya melu² semedi kang ora ngerti apa tujuane. Menawa merga mangkono kuwi mau, banjur narik kawigatene Jurukunci, Ki Layung Pringgadigda.

Aku isih eling wektu semono wayah tengah wengi. Sak pucuking langit ketok kabeh lintang² kethap kethip. Menawa sajak nggeguyu kahananku. Sepi nyenyet, mung ana swara ombak segara pathing jlegur, kasela swarane jangkrik lan walang ing wayah bengi.

"Adoh² tekan kene mara kandhakna apa sing dadi sedyamu, Kisanak?" ,

Mangkono pitakone Ki Pringga.

"Kula kepingin sugih, gadhah arta kathah, bojo ayu, omah sae, lan sapiturutipun"

Mangkono atur jawabku sak kecekele.

"Kuwi perkara kang gampang banget, tak kandhani. Nanging sangganing batin abot banget, kowe kudu kuwat nglakoni. Yen ora kuwat, ora wurung kowe ya nganyut tuwuh utawa bunuh diri..."

"Inggih kula sagah"

Mangkono jawabku waton wani, kamangka durung ngerti apa sing dikarepake abot kuwi.

Mula crita iki tak tulis kanggo pangeling-eling tumrap para kanca lan sedulur, aja nganti nemahi panandang kaya aku ngene. Dadi aku ora duwe niyat pamer yen aku sugih. Babar pisan ora!. Nanging minangka urun crita mbok menawa ana wong sing kepengin sugih kanthi cara gampang, kuwi bangeting abot sanggane.

LORO

Lingsir wengi, kira2 jam telu aku wis dikon mulih. Pesene juru kunci Ki Layung Pringgadigda, kanggo nggayuh pepenginanku aku sesuk kudu nemoni sawenehing pawongan ana ing kutha Ngayogyakarta.

Ndherek pangandikane juru kunci, pawongan kuwi manggone ora mesthi, pokoke sakpiturute Jalan Malioboro. Ana kalane neng beteng Vrederburgh, ana kalane uga ana sakngareping hotel Ibis lan Malioboro Mall.

Gene jenenge pawongan kuwi ora diterangake. Mung kanggo tenger, panganggone klambi modhel surjan lurik biru tuwa, mawa blangkon, lan clanane ireng cingkrang sak ngisor dhengkul.

Aku kudu tetulung lan nuruti panjaluke pawongan kuwi.

Aku tumuli budhal mulih menyang Jogja. Mesthi wae njujug omahku ana ing tlatah Blunyah Gedhe,  sak lore prapatan jethis lan SMPN 6 utawa biyen SGA (Sekolah Guru A) Yogyakarta. Tekan ngomah, ora nganggo suwe terus angler turu marga saking ngantuke.

**

Esuk mruput, wayah dalan Malioboro isih sepi, aku wis tilang-tiling nggoleki pawongan sing babar pisan ora ana jenenge kuwi. Jebul nganti sore, sak dawane dalan Malioboro tak urut bola-bali, mlaku saka Hotel Garuda tekan Beteng Vrederburgh aku ora bisa mrangguli. Mangkono sabanjure tak lakoni nganti pirang² dina, nyatane ora bisa nemoni. Kamangka iki wis seminggu luwih. Neng pikiranku wiwit percaya yen wong kuwi pancen ora ana. Menawa kuwi mung akale juru kunci Ki Layung Pringgadigda kanggo nguji sepira sabare aku.

Ora ngira ora ndipe, kedhele bisa dadi ketempe. Ndilalah apa embuh kersaneng Allah, ana ing dina kang kasanga aku bisa ketemu wong kuwi. Tak sawang saka kadohan bener wong kuwi. Klambi model surjan lurik biru, clana ireng cungklang tur blangkonsn. Sajak kaya lagi njejaluk, yen ana wong lanang dicedhaki, nanging jebul ora ana sing nggape.

Bareng aku saya cedhak, wong kuwi nyawang aku banjur ndang cepet mara. Dheweke ngulungake rokok sing durung dusumet:

"Aku njaluk genine.."

Aku rumangsa ora ngrokok dadi mung tolah-toleh. 

"Waah mboten gadhah korek. Mangke kula tumbase, sampeyan tengga sekedhap..!"

Aku lunga tuku korek. Bareng wis entuk, mbalik neng panggonan mau, pawongan kuwi wis ora ana. Adhuh repot, kudu nggoleki maneh iki, ngurut dalan Malioboro. Saka beteng Vrederburgh tekan Hotel Garuda.

TELU

Angen²ku, menawa yen wis ketemu pawongan sing klambi surjanan kuwi, kaya sing didhawuhake Ki Layung Pringgadigda kuwi aku bakal sugih. Sak-ora²-ne wong kuwi aweh dalan kepiye murih bisane sugih. Mula esuk kuwi aku budhal nggoleki maneh. Ben ora kawistara, genea sasat setengah sasi kok saben dina neng Malioboro, aku nganggo sandhangan sing rada ketok kasual lan sporty. Sepatu ket putih kombinasi biru, clana jins, lan kaos krah biru enom manda². Ora lali topine uga. Oh iya, korek meh wae lali.

Ora gantalan suwe, wis tekan sakngarepe beteng Vrederburgh. Kuwi panggonan uga asring kanggo pameran budaya. 

Wong² wiwit akeh sliweran liwat ngebaki trotoar. Jajanan wayah esuk ngene kaya dene bubur ayam Jakarta, lan gudheg, wis dikrubut karo pandhemene.

Aku mung meneng wae karo namatake kiwa tengene. Dumadakan pawongan sing dak antu wis mara nyedhak, njupuk rokok saka wadhahe tumuli didokok lambene, karo kandha:

"Aku njaluk genine.."

Korek tak urubake, geni tak sumetake tumama marang rokoke. Keluke saknalika ngebaki raiku. Pandelengku blawur ora cetha, aku kliyengan sasat ora duwe daya. Kaya mati ngadeg, karo merem sedhela. Bareng melek, dheweke isih ngadeg uga. Karo nyekeli tanganku dheweke kandha:

"Matur nuwun Kisanak, maturnuwun banget! Maturnuwun tanpa upami wis gelem nulungi aku. Aku wis nem tahun nyandhang ngene iki, nunggu ana sing gelem tetulung. Jebul njenengan piyayine. Maturnuwun.."

"Maksudipun kados pundi?!" , aku ora ngerti karepe.

"Deloken! Sawangen! Saiki awake dhewe wis ijolan. Kowe dadi aku, aku dadi kowe.."

"Ha?!"

Aku kaget sasat semaput. Jebul bener! Bareng tak tamatake praupane dheweke wis malih dadi persis aku! Mengkono uga sandhang panganggone padha sing mau esuk tak enggo. Bareng nyawang awakku dhewe, aku kaget banget! Aku wis dadi dheweke! Nganggo klambi surjan biru lurik tuwa, clana ireng cungklang, karo blangkonan. Aku ora dunung babar pisan. Ya, Allah aku nangis gegetun. Alon² dheweke kandha:

"Uwis ya Kisanak, gentenan lelakone wong urip. Pancen bener kaya cakra manggilingan. Aku tak mulih neng omahmu. Kowe kudu neng kene. Ana ing sak clana ana rokok kretek duwekmu. Cacahe sanga, wong mau wis disumet siji. Golekana dhewe sing gelem tetulung awakmu. Aja lali kandha aku njaluk genine"

Wong kuwi ndang gage lunga karo ngguyu dawa ambal-ambalan. Aku isih lungguh ndheprok ana trotoar.

**

'Aku' wis dudu aku maneh. Arepa nangis ora ana sing nulungi. Aku saiki wis dadi wong kang nyandhang klambi surjan lurik biru, clana ireng cungklang, tur blangkonan. Karo nangis aku mlaku sakdawaning Malioboro. Karo wong sing tak temoni mesthi ngulungke rokok karo nembung:

"Aku njaluk genine"

Aku wis lali sapa aku sejatine, sapa jenenge, ngendi omahe. Pawongan dhek wingi kae mesthi wis kepenak neng omahku. Urip bareng karo bapak ibuku. Wayah ngene mesthi wis ngombe teh karo nyamikan. Sangsaya ibuku kuwi banget gematine.

Dene aku? Uripku wis dirampas. Aku kudu nglakoni kaya ngene iki embuh sepira lawase. Sasenan, taunan, apa saklawase? Aku ora ngerti. Aku nangis gegetun, gene wingi aku wis urip kepenak kok ora muji sukur.

Dino saya sore, saya tambah peteng, terus ganti mbengi. Embuh aku mengko iki turu neng endi. Sak-enggon²...

PAPAT

Wiwit dina iku uga aku urip ijen tanpa rowang, turu saenggon-enggon ana tlatah Malioboro. Yen bab mangan mono mesthi ana sing menehi. Nanging aku wis kelangan sakabehing aji.

Aku ora ngerti iki arep pirang taun dak lakoni. Saben uwong mesthi ora percaya upama tak lakoni. Aku mung kepengin bisa uwal saka panandang kang kaya mangkene iki. Getune bebasan ora bisa ditebus tinumbas arta. Karepe njaluk kamulyan pikolehe kasangsaran.

Kahanan mangkono mau pranyata klakon nganti limang taun lawase, urip ngulandara ana tlatah dalan malioboro.

Dina kuwi, kaya dina² padatane sing wis tak lakoni, aku nlusur dalan Maloboro mbok manawa ketemu wong gelem tetulung yen aku njaluk geni.

Tekan ngarep Malioboro Mall aku mandheg. Saka lobby Hotel Ibis ana sawenehing pawongan umur 30an punjul kang jumangkah metu saka lobby. Priya bagus, ngganteng, sandhangane apik sarwa resik. Lumakune karo nganthi garwane kang ayu mlowes ing sebelahe. Dene anake ngetutake ana sandhinge.

Bapak, garwa, putra kuwi banjur ngadeg ana ngarepe lurung parkir basement. Ketok yen nunggu mobil kang bakal methukake. Aku mara nyedhaki dhweke. 

Priya kuwi namatake aku banjur ngulungake dhuwit Rp20 ewu. Aku emoh sebab ora butuh dhuwit. Aku mung kandha;

"Aku njaluk genine.."

Dumadakan priya kuwi nyedhak, ngurupake koreke. Geni tak tampani, tangane tak cekeli. Rokok tak sedhot, keluk tak sebulake. Priya kuwi watuk² karo ngeremake mripate.

Bareng melek mendah kaya ngapa kagete. Aku wis salin sandhang dadi dheweke lan dheweke wis dadi aku. Aku mung kandha alon2;

"Terimakasih, Bapak sudah menggantikan saya mengantri di sini. Saya sudah lima tahun. Terimakasih.."

Wong kuwi kaget banjur ngamuk sakemenge:

"Hei! Kamu jangan kurangajar itu bajuku. Itu punyaku! Hei, kamu!"

Guluku ditekak banjur ditarik karo tangane wis ngepel. Mrangguli kahanan ngono wong2 padha nulungi misah anggone tukaran. Wong2 rame padha alok:

"Sudah nggak apa², Bapak cepet pergi saja. Orang gendheng ini memang suka begitu, bikin gara² ngajak berantem.."

Aku digandheng sopir, diajak mlebu mobil. Saka njero jendhela tak sawang wong sing sejatine duwe mobil iki lagi dijagani wong akeh. Ngamuk ora karu²an. Lungguh ana Sebelahku wis nunggu kenya ayu sing dadi garwane wong mau sing saiki banjur dadi bojoku. Iki merga bojone wis salin sandhang panganggon dadi wong blanhkonan.

Saka cecaturan sawetara dadi ngerti yen aku saiki wis dadi Bapak Ir. Ridwan Nurzaman. Dene bojoku jenenge Cyntia az-Zahra, lan anakku lanang Muhammad Baskoro.

Aku saiki wis dadi wong sugih karo duwe anak lan bojo ayu kaya sing wis tau tak critakake ing ndhuwur.

"Papa, kita nanti pindah hotel aja ya? Nggak enak di situ ada orang gila"

"Iya... Pindah kemana, sayang?"

"Ke Hotel Tentrem aja"

"Ok, sayang. Trus kemana kita ini sekarang?"

"Katanya ngajak makan di Wes-Lake Resto, gimana sih? Masa' Papa lupa, hhh!"

"Ohh iyaa. Iya, ayo.."

Sopir sing saiki dadi supirku tanpa cubriya apa² nuli mbacutake laku budhal neng West-Lake-Restaurant.

LIMA

Upama dak critakake kepiye anggonku nginep ana hotel Tentrem, mesthi dawa banget. Ringkese mono aku wis kasil dadi Ir. Ridwan Nurzaman kang bebojoan klawan Ny. Cyntia. Kanggoku kuwi minangka pengalaman pertama sesambungan karo wong wedok. Sakdurunge, aku durung tau babar pisan gepok senggol karo wong wedok. Mula sakwengi natas ya sengkud lan mempeng tenan. Mula Cyntia ya rada kaget:

"Papa malam ini beda banget deh, lain dari biasanya. Papa minum obat ya? Ayo ngaku aja.."

"Enggak sayang, mungkin karena terbawa kondisi tempatnya. Di sini lebih romantis", jawabku sakecele.

"Iya ya, di sini romantis banget ya? ", kandhane Cyntia karo terus nggambok nggondheli aku tekan kamar mandi.

**

Mulih tekan Jakarta, esuke aku wis kudu budhal kantor. Sukur alhdulillah, lancar arepa bola-bali kena macet. Kabeh karyawan padha menyambut, mangka aku durung ngerti siji lan sijine. Ya uwis mengko alo-alon, suwe2 rak ya ngerti. 

Mlebu ruangan Direktur, rada kaget wis ana kenya ayu sajak ethok2 nata kekembanga  ana ing vas. Uga karo ngrapihake buku2 ing mejaku. Dheweke leren olehe tata2 bareng aku mlebu:

"Selamat datang Bapak. Selamat pulang dari liburan. Pasti seneng ya.."

"Ya, ya, terima kasih"

"Ini Pak, Susi mau laporan soal sedikit kerjaan dan agenda hari ini.."

"Ya, ya, ok.."

"Dari tadi Bapak kok cuma yayaya aja. Biasanya nggak gitu2 amat deh"

"Biasanya gimana?"

"Yaa, Bapak gitu amat deh. Kan mesti cium Susi dan dipangku gitu, duduknya!"

"Ok, ok, mungkin aku masih capek ya.."

Wah, jebul ngene ta direktur karo sekretarise. Aku ya mung manut wae kareben ora dicubriyani.

Gaweyan kantor arepa bola-bali takon tur rada nanal-ninul meksa kabeh bisa rampung.

Ora pati angel gaweyane wong kabeh akeh sing wis dihandle direktur sing jumbuh karo bidange. Racake aku mung mutusake anane saran, rekomendasi, lan pertimbangan liyane. Yen angel aku bisa nyeluk kepala divisi lan staf khusus. 

Sing durung kemesthen iki mengko kudu melu rapat penyusunan kontrak kerja. Jare Susi perusahaanku arep melu tender instalasi komputerisasi bandara.

Aku kaget ana ing laci meja ana hape isine panggilan tak terjawab bola-bali. Jenenge Friska. Yen maca saka olehe muni2 ketara yen Friska kuwi selingkuhane Pak Direktur. Wah, kudu piye mengko aku iki karo Friska. Arep tak telpun balik, hapene lowbatt. Iya wae ditinggal patang dina neng laci..

ENEM

Saben dinane neng ngomah, aku nyoba cedhak karo 'anakku' di Baskoro. Nanging ya ora gampang wong dheweke sekolahe ana International Elementary School utawa SD internasional. Mula pendhak dina basa inggrise ya casciscus kae. Genti aku sing blepotan, wong nyatane pancen ora bisa. Saben2 Baskoro mesthi ngelingake:

"Dad, in english please..”

Yen wis mengkono aku mesthi celingukan. Ya ora gampang jebulane, dadi direktur yen wis neng ngomah kuwi. Mesthi wae 'bojoku' Cynthia melu cawe2 komentar mbelani Baskoro:

"Enggak tau tuh papamu sering gelagapan sekarang.."

"Lagi setres kerjaan, Ma.." , jawabku sakecekele.

**

Wis diatur dening direktur keuangan, yen bakal ana midnite party kang uga ngundang para relasi perusahaan kang magepokan karo tender perusahaan. Pesta kuwi manggon ana sawijining hotel papan atas Jakarta kang ora bisa tak kandhakake ing kene.

Lagi ngerti yen aku jebul dadi platinum member kumpulan pesta2 kuwi. Sing ndaftarake ya selingkuhanku si Frisca kuwi. Pranyata dheweke maune executive sales promotion girl sawijining perusahaan entertaint sing gaweane dodolan member card utawa kartu anggota kuwi.

Ringkesing crita aku lan Frisca bengi kuwi wis kumpul ana midnite party. Tamu undangane kabeh ya eksekutif perusahaan kanthi nggawa pasangan dhewe2. Mesthi wae pasangane kuwi kabeh dudu bojone. Mesthi ya gendhakane, kaya dene Frisca kuwi. Acarane diwiwiti sakrampunge gala dinner bareng para tamu. 

Aku lagi gumunen. Wah, ya elok tenan uripe para kalangan jetset neng Jakarta ngene iki. Yen tak rasakake lan tak graita, anane selingkuhan Frisca kuwi dudu perkara katresnan. Nanging kaya2 merga perkara gaya hidup wae.

Acara mangan2 rampung, panggonane tumuli pindhah ruangan liyane. Neng kono meja2 wis ditata kaya dene panggung. Kursine mubeng kepara cedhak panggunge. Iki mengko ana tari telanjang utawa striptease saka penari lokal.

Ora gantalan suwe, musik wis kawiwitan. Iramane latin, melodyne ngelingake marang gitaris Charlos Santana.  Bedhekanku ora keliru. Let sedhela, wis ana penyanyi ayu semlohai bodi semok tur aduhai munggah panggung. Ing mburine ngetutake penari latar kang uga wedok. Kabeh klambine methet ora jangkep. Klambi ndhuwure kecendhaken, klambi ngisore kedhuwuren.

Lagune Magic Woman, penyanyi lan penarine tambah ndadi. Klambine diudhari, diuncalake penonton mbaka siji. Suwe2 wuda kabeh. Edaaan!

Ya kaya ngene iki tundhone yen nggugoni jarene iklan lowonga  kerja kang jare mbutuhake penari untuk duta wisata. Mesthi kapusan banjur direkrut sawijining sindikat kaya dene Yakuza. Wis ora bisa uwal maneh. Jarene sing padha kandha bisnis ngono kuwi ditangani sindikat kang sumebar antarane Jakarta, Bangkok, Canton, Macau, Taipei, lan sapiturute. Mesakske sing dadi kurbane.

Neng hotel sing kanggonan pesta iki, bisnis hiburan kuwi ditangani dening Ling Wei Jian Enterprise

**

Liya dina sakbanjure, diumumake yen perusahaanku klakon menang tender komputerisasi bandara. Rega saham perusahaan uga melu kedhongkrak signifikan dua digit. Kabeh saya ngregani tumrap anggonku mimpin.

**

Nanging yen wis lungguh dhewe ngene iki, kabeh kebanggaan lan kasenengan kaya ing ndhuwur kuwi saya ilang. Iya mulya kepenak, nanging kabeh kuwi mau sejatine dudu aku kang saknyatane. Kabeh sarwa palsu. Aku kepengin mbalik wae dadi 'aku' kang kaya wingi uni. Nanging embuh kepiye carane..

PITU

Sing paling gawe sedhih neng ati, aku banjur ora duwe bapak ibu. Neng omah kana wis ana pawongan sing ngganteni jejer minangka aku. Wis ora bisa klakon mlebu metu omah kaya biyen. Apa maneh njaluk masakan brongkos gaweane ibuku sing paling enak dhewe sakdonya. Wis ora bisa! Neng omah kana wis ana aku!

Saiki dulur2ku malih dadi kabeh sedulure pak Ridwan. Aku ora paham aten2 lan ladhen2ane. Kaya mangkene iki sing ndadekna aku nangis. Pranyata gebyaring donya kuwi ora mesthi bisa ndandekna atine wong urip bagya tentrem. Contone kaya aku iki.

Sing dadi pitakonan, apa wong sing ngalami "aku njaluk genine" kuwi mung aku wae. Neng njaba kana ora ana liyane?. Jakarta, Semarang, Surabaya ora ana sing nandang kaya aku? Wah, kaniaya temen urip kuwi.

Aku mesthi terus ngguguk nangis dhewe. Mesthi ana sing tansah dak celuk:

"Ibuuuuuuu..."

Mesthi wae ibu ora mireng lan ora pirsa yen ana putrane sing ngalami panandang mangkene iki. Amarga saka pokale. Ya ngene iki sing kasebut ngundhuh wohing pakarti.

Mangkono sing tansah kepikir yen aku pinuju lungguh dhewe ana gazebo kebon mburi omah.

Ngampet sakjroning ati bab kang kaya ngono ndadekna aku suwe2 ora kuwat. Sesuk akhir tahun iki, aku arep njupuk cuti papat utawa limang dina kanggo ngadhep juru kunci Ki Layung Pringgadigda. Kabeh ngelmu pasugihan kuwi arep tak balekake.

WOLU

Wayah sore, aku wis tekan Jogja, tumuli check-in neng Hotel Hyat, jalan Palagan. Angkahku ben ora gampang ketemu karo wong blangkonan klambi surjan sing urip ngumbara neng Malioboro. Karo maneh neng hotel Hyat ngene iki adoh saka karameane kutha, kuwi cocok kanggo swasana batinku sing lagi kisruh iki.

Aku wis pesen kendharaan sewan saka hotel sakperlu kanggo lelungan ing tlatah Ngayogyakarta. Lelungan dhewe ngene iki, ing ati rasane nglangut. Ngelingake biyen dhek isih ijen, neng ngendi wae yen lunga ya ijen. Mung kepengin sakderma metu mlaku2 nuruti karepe ati, aku jajan sate klathak ana ing Jombor. Wong yen pancen ati lagi ora jenjem, sate klathak ya kaya ora ana rasane.

Kira2 jam sanga bengi aku didherekake sopir lan mobil sewan mau, budhal menyang pesisir Parangtritis, Pandhansima. Dalane sepi kaya kesaput pedhut, jumbuh kaya swasanane atiku kang uga krasa nglangut.

Tekan panggonane padhepokan sajak tekaku luwih mruput tinimbang padatan. Kanggo nunggu wektu ditimbali, aku mung lungguhan slonjor, ngulat-ngulet, ongap-angop, ngontak-ngantu. Persis kaya dhek biyen rikala teka pisanan.

Jam sewelasan bengi, aku wus klakon pepanggihan klawan juru kunci Ki Layung Pringgadigda. Ana ing wektu kuwi aku banjur matur medharake apa sing dadi sedyaku. Nanging aku krasa lemes bebasan kelangan bayu, bareng wis krungu dhewe kabeh jawabe:

"Ora bisa! Kuwi ora bisa dibalekake. Iya yen wong sing mbok tuju kuwi isih ajeg, lha nek wis ganti liyene, banjur piye?", mangkono pangandikane.

"Pikajeng kula makaten, mangke manawi kula sampun wangsul dados tiyang blangkonan, kula badhe mantuk. Mangke kula badhe mbangsulaken dumateng pawongan ingkang memba2 dados kula ingkang sampun cumondhok wonten griya.."

"Ora bisa! Kuwi rak yen manut dalan pikiranmu. Iki dudu perkara nyilih-mbalekake, nanginh iki perkara sapa gawe-nganggo. Yen mbok terak sanggane bilaen abot banget.."

"Dados saestu mboten saged, upami sakmangke kula lajeng..."

"Ora bisa! Pokoke ora bisa! Uwis, urip sing mbok jaluk biyen kuwi lakonana wae..!"

Rasane lemes banget bareng wis dijlentrehake kabeh kaya ngono mau. Aku banjur pamitan mulih Ngayogyakarta.

Niyatku wis golong gilih madhep mantep yen bakal ngguwang utawa mbalekake panganggon pasugihan mau. Mula aku sesuk bakal nggoleki pawongan sing blangkonan klambi surjan, ana tlatah Malioboro. Mengko yen wis ketemu, aku arep nyumet rokoke, kareben aku mbalik maneh dadi wong sing blabgkonan klambi surjan. Upama mengko wis bisa, aku arep nggoleki omahku, arep mbalekake panganggon kuwi marang wong sing wis memba2 aku.

Mulih tekan hotel nyoba mapan turu. Kethap-kethip, tekan gagat esuk.

SANGA

Wayahe jam 09.00 esuk.

Malioboro durung rame kaya padatan. Bakul2 sing bukak dhasar ana emperane toko, salong isih ana sing lagi bukak utawa sengkud tata2. Kendharaan sing liwat isih kena dietung nganggo driji. Semana uga wong mlaku2 lagi siji loro, akeh2e ya pitu wolu. Hawane Malioboro isih manda2 resik, durung kacampur kringet maneka warna. 

Wayah ngana aku wis mlaku2 neng Malioboro sinambi tilang tiling nggoleki pawongan sing blangkonan nganggo surjan lurik biru. Yen pancen uwonge durung ganti, mesthi eling yen weruh aku.

Kok ya meksa durung  weruh lan ora ketemu.

Kanggo slimur kalane nganggur, banjur mlebu toko buku Gramedia Malioboro Mall. Melu uyel2an milih buku, nanging ya durung nemu wong pancen ora duwe niyat golek buku. 

Aku tumuli pindah ana leretan rak buku sastra, sosial, dan budaya. Kepengine nggolek buku roman. Embuh basa Indonesia apa basa Jawa. Sakjane kepingin maca buku crita basa jawa anggitane Suparta Brata, Esmiet, apa Any Asmara. 

Tanganku arep nyandhak buku kumpulan puisi anggitane Korrie Layun Rampan, dumadakan ndadak senggolan karo tangane bocah wedok sing sajake ya arep nyandhak buku kuwi uga. Rasane dadi kikuk pakewuh. Neng endi wae yen bocah ayi kok bisa marahi grogi tur wel2an. Aku sing ora lara jantung wae bisa ndrodhog ngono kae:

"Maaf..", jareku

"Enggak apa2.."

"Suka dengan buku sastra?"

"Iyya, saya kuliah di jurusan sastra.."

"Ok, kalau begitu aku ambil dua, buat mbaknya satu. Nanti kita coba baca bareng2 sambil makan. Ok?", aku nawakake ngono karo gaya sok akrab kae.

"Enggak usah, terimakasih.."

Nanging nek bocah wedok olehe nolak swarane alon ngono kuwi tegese gelem. Buku langsung dak gawa neng kasir, tak bayar. Tenan ta bocahe durung lunga, ketok sajak milih2 buku. 

"Ini mbak bukunya, kita baca bareng yuk. Ngobrol buku sambil makan. Maaf, namanya mbak Siapa?"

"Laura.."

"Ridwan..", aku wangsulan karo ngulungake tangan. 

Salaman. Cess. 

Aku sakloron nuli bebarengan golek mangan. Neng Malioboro Mall kono akeh banget kuliner. Dudu restoran, nanging swasanane kepenak nyaman. Ketoke ya luwih enak yen mangan ana sing ngancani: Laura..

SEPULUH

Rampung mangan bareng, lan ngobrol ngalor ngidul sawetara, sarta tukar-tinukar nomer hape, Laura nuli pamitan arep mulih. Ora gelem tak untapke, bocahe wis gage mlaku tumuju parkiran sepeda motor. Aku mung namatake saka mburi kepiye lumakune.

Pikiranku kisruh antarane cepet² nggoleki wong blangkonan klambi surjan lan mungkasi lelakon ethok²an iki, utawa nerusake lelakon liyane bareng Laura.

Aku wis njupuk cuti patang dina, tegese isih ana wektu telung dina upama yen arep ngentekake wektu bareng² Laura. Pikiran kaya mengkono mau merga aku ngrasakake bab sing beda ana sakjroning ati. Mesthi wae aku emoh mikir adoh², wong ya durung ngerti sejatine Laura. Gek dheweke ya isih bocah kang umur²ane rong puluh taun. Sedheng aku wis ana yen telung puluh enem taun. 

Nanging sing tak rasakake kuwi ana sawijining hawa adhem lan ayem yen cedhak dheweke. Beda banget yen karo Cyntia. Menawa merga karo Cyntia kuwi aku mung dapur nerusake lakon dadi Pak Ridwan. Ing rasa kurang natural utawa alamiah kae.

Mikir bab kuwi karo mlaku alon², meksa ngono ya durung mrangguli wong blangkonan klambi surjan. Upama ketemu aku kira² bisa gelis anggone mrantasi gawe.

Durung kasil ketemu wong sing dak karepake, aku cengkelak mulih neng hotel Hyatt panggonanku nginep. Mengko bengi yen menawa pikiranku jutek arep ngajak ngobrol Laura neng lobby hotel wae. Nalika dak kabari bab angen²ku ngono, pranyata sasat kaya gayung bersambut, Laura datan nolak. Dadi bengi kuwi aku lungguhan bareng Laura karo nonton  ensemble biola lan piano sing pancen dicawisake hotel.

Ora arep diarani PHP utawa pemberi harapan palsu, bengi kuwi kabeh kahananku tak critakake Laura. Ora ana sing dak tutupi, kalebu aku sing sejatine dudu pak Ridwan kuwi. Dheweke kaget tur ora percaya genea ana ing jaman digital ngene isih ana ngelmu lan lelakon kaya ngono.

Dheweke sarujuk yen aku ninggalake pesugihan kuwi. Nanging babar pisan ora ngolehake yen carane nganggo karepku dhewe.

"Saya setuju Bapak tinggalkan semua itu, tapi untuk bertukar dengan orang itu dengan cara bapak, pasti fatal akibatnya. Bisa² nyawa taruhannya.."

"Kayaknya akan seperti itu, tapi bagaimana lagi kalau itu resikonya. Saya nggak betah hidup dalam kebohongan"

"Ijinkan saya nemenin Bapak sampai masalah ini selesai"

Mangkono kira² surasane anggonku cecaturan. Aku lega banget ana bocah sing bisa nampa lan ngrungokake sesambating batin. Jalaran mangkono aku ora wani sesembranan marang dheweke. Wayah wis meh kebengen, Laura pamitan. Aku ngeterake tekan kost²an ana dhaerah Karangmalang. 

Tekan hotel maneh, aku mapan turu nglepus menawa merga kekeselen. Aku ngimpi karo mesem, kaya² ngrasakake lan ngerti yen sakjane Laura wiwit duwe bibit simpati lan katresnan..

SEWELAS

Kepara lali aku anggone nggoleki pawongan aku njaluk genine, malah ketungkul dolan² mlaku² ngukur dalan Ngayogyakarta klawan bocah ayu Laura. Ya ora ngapa² mung crita² ruwet rentenging batin. Pranyata Laura bocah wedok sing kepenak diajak omongan. Swarane renyah, grapyak, semanak ditambah aleman barang 50%. Kaya ngene iki sing gawe lali marang niat wiwitane. 

Upama diterusake srawungku karo Laura, mesthi crita iki ora ana rampunge. Mangka sing baku, aku kudu mrantasi gawe kepiye bisane udhar saka aku njaluk genine. Mula kanggo dina pungkasan, aku nulis whatsapp kanggo dheweke:

Laura yang baik,

Mengenalmu, meski baru sekejap mata ternyata telah membuka mata batinku tentang cinta. Engkau adalah anugrah terindah dalam hidupku

Sekejap mengenalmu, telah memberikan pelajaran bahwa cinta itu sesuatu yang indah dan agung. Bukan seperti yang telah kujalani selama ini. Engkau begitu indah, begitu cantik, dan begitu berharga

Kesadaran itu pula yang menjadikan aku mengerti, engkau terlalu agung dan indah untuk kucintai dan kumiliki. Aku merasa tidak pantas dengan semua kekotoranku selama ini.

Engkau begitu baik, Laura. Tak pantas aku bersamamu. Tapi jauh di lubuk hatiku, aku sangat mencintaimu. Andai nanti aku menjadi tiada karena urusanku, setidaknya kenanglah aku. Kenanglah aku sebagai sosok dalam hidupmu, kalau kau pernah berjumpa dengan lelaki yang sangat mencintaimu

Laura, aku sayang kamu..

Kuwi dak kirim kira² jam 08.00 esuk dina kang pungkasan. Kanthi aboting ati aku budhal neng Malioboro nggoleki pawongan aku njaluk genine sing blangkonan klambi surjan.

Kok ya kaya kebeneran ketemu wong kuwi lagi kleleran ana emperan. Aku sengaja lewat ing sakcedhake. Pangiraku ora luput, wong kuwi isih kelingan aku. Iki tegese uwonge durung ganti liyane, isih panggah asline pak Ridwan kaya dene telung taun kepungkur.

Weruh aku embuh kaya weruh apa, wong kuwi ngoyak sanalika. Embuh uwal budi kaya ngapa, wong kuwi dak rangkul kenceng, tak ajak mlaku sak ngarepe hotel Ibis.

Marga saking nesune kapiran seprana seprene, wong kuwi nesu ora ana tembunge. Swarane mung nggereng²: 

"Hhhhh...hhhh...hhh!!"

Pancen durung rame, dadi ora ana sing nggatekake. Mlaku ngubengi hotel, aku lan dheweke mandheg ana latar mburi kang mosak masik lagi direnovasi. Neng endi² ana tulisane selain yang berkepentingan dilarang masuk utawa tulisan under construction

Tekan sakngisoring sawijining bangunan, aku banjur mandheg:

"Maaf yaa pak Ridwan, saya bener² mohon maaf"

Muni mangkono aku karo njupuk rokok sako sake, tak cepitke ana lambene, lan tak sumetake genine. Mak bul..

Jedher! 

Peteng sarwa ireng aku banjur ora weruh apa²..

Tangi² aku wis krasa kumleyang entheng banget. Ora ngambah lemah bisa mlaku kanthi gampang ana awang². Aku kaget banget. Kaget ora ketulungan bareng nyawang ngisor akeh wong rubung rame2. Jebul ana kecelakaan!

Kurbane ora liya ya wong sing blangkonan klambi surjan. Mati ngglethak ketiban gondhola! Dene Pak Ridwan ora apa², lagi ditulungi arep ditumpakake ambulan.

Pak Ridwan?

Lho, aku sapa? 

Dhuh Gusti, pranyata aku sing kudune manggon ana ragane wong blangkonan klambi surjan wis mati! Wis ora ana! Ketara jisime lagi dirubung uwong, arep diwadhahi kanthong.

Neng sakcedhake wis ana mobil siaran langsung saka GondhesTV, asung liputan pawarta:

Seorang Gelandangan Malioboro Tewas Tertimpa Gondola

Saka kadohan tak sawang Laura nangis njerit mlayu² nubruk jazadku. Dudu pak Ridwan sing dituju, nanging wong blangkonan klambi surjan sing diungkeb-ungkeb ditangisi.

Pranyata Laura paham lan ngerti marang critaku. Dheweke setya tuhu gelem nungkuli jenazahku. Aku trenyuh, terharu. Nangis mbengok², nyeluk² seru:

"Laauuurraaa! Lauuurrraaa!" 

Ora ana sing nggape ora ana sing krungu!

Bener kandhane Ki Layung Pringgadigda, yen aku nerak wewalere bakal bilahi. Ya kaya ngene iki pituwase: mati! Angkahku upama ora nati ngene, yen wis dadi wong blangkonan klambi surjan arep mulih sakperlu ngijoli ragaku klawan pawongan sing manggon omahku, ora bisa kaleksanan. Gagal total!

Kanggo tamba kangen aku kumleyang tumuju marang omahku neng Blunyah Gede. Aku kaget, jebul aku neng kana wis duwe anak bojo. Ibuku wis duwe putu. Aku ora neng ngomah, menawa lagi nyambut gawe. Kabeh tinemu urip bagya mulya. Mula aku ora bakak ngganggu, ora bakal ngreridhu. Wis ben ayem tentrem.

Aku arep mbacutake laku. Jebul neng alame wong mati kuwi hawane rada adhem. Ora ketok awan, ora ketok bengi. Nanging arepa ora banget², sesawangan kaya suwung semu padhang. Sepi, samun.

TAMAT

NB:
Cerita ini diambil dari kiriman salah seorang teman di group WA yang dikirim secara berkala setiap hari.

Cerita Bahasa Jawa: Jasmani dan Rohani

Jilid 4.
    Sak pungkure mas Agus krama, Rohani biasa wae. Polatane Rohani ora ana owah-owahan kang cetho. Sing genah Rohani sangsaya sengkut nyambut gawe. Saya grengseng nyiapake makalah kanggo penelitian tindakan kelas . Penelitian kanggo ningkatake pangkat kariere.

    Keng Rama lan ibune sangsaya sing menggalih. Mengko gek Rohani ki wegah omah-omah, ngono ngudarasane. Dene Rohani dewe tetep anteng ora katon gela. Apa ya ana , bocah ketaton atine ananging tetep enjoy kaya Rohani. Kanca-kancane wis pada nggendong anak, kok ya ora dirasa. Keng Rama lan ibune mung bisa ndedonga muga Rohani enggal pinaringan jodo kang luwih murakabi tinimbang mas Agus.

    Ya kersaning Alloh, ana kancane kang banget ngatekake Rohani, mbak Lies asmane.  Kanti lewat dik Imah, mbak Lies akal-akal ngenalake tanggane ana Sukaharjo kang isih bujang marang Rohani. Yo. . . kalah cacak menang cacak menawa cocok. E...e...kanyata Rohani satujuk wong mung kenalan wae apa alane.
" Siip mb Lies, Rohani bisa kenalan" pangandikane dik Imah marang mbak Lies.

    Dirancang kenalane dina Minggu, ben ora ngganggu nyambut gawene. Wong ya pada-pada PNS ndak ndadak izin. TPPne ndak dipotong.

Ing dina minggu iku ana pertemuan Dharma Wanita ing kantore Rohani. Mbak Lies saka Sukaharja diterke piyayi sing arep dikenalake Rohani.

    Pertemuan Dharma Wanita berjalan lancar. Mbak Tami kang iwut ngisi acara ora pati nggatekake suasana kang bedha. Lancare pertemuan Dharma Wanita laras karo lancare perkenalane Rohani karo tanggane mbak Lies.

    Rohani sajak kesengsem karo piyayi sing dikenalake mbak Lies. Asmane mono Jasmani. Ya tumbu oleh tutup. Jasmani dewe yo katone kepranan karo solah bawane Rohani.

   Kenalan kuwi minangka sarana ketemuan sabanjure. Saben malem minggu Jasmani wis apel nang ndaleme Pak Camat saperlu adaptasi karo Rohani. Sing mbukakake lawang kerepe Pak Camat dewe, trus gupuh minarakke njur jagongan ngetuprus ngalor-ngidul ngenteni Rohani metu.

    Wis ping wolu Jasmani tansah ora kendat sowan Pak Camat ngapeli Rohani. Saben-saben Jasmani apel ora lali nyangking asile kebon, kayata jambu wer, jambu bangkok , degan ijo, pelem madu , srikaya, rambutan, jeruk bali , klengkeng kang wis  cumawis ana pekarangan daleme wong tuane Jasmani.

    Bab iku kang njalari Pak Camat kepranan banget marang Jasmani. Nak Jasmani iki cak-cakane sederhana, nanging penuh wibawa. Tur yo ora mokal-mokal kaya bocah zaman saiki.

    Apele yo ra neka-neka. Biasane ya mung nguthuk omong-omongan karo Rohani ana teras ngiringan omah. Dadi Pak Camat sing mirsani ya kepranan.

    Ora ana udan,ora ana mendung, dina kuwi Pak Camat kok ndawuhi Jasmani lungguh nang ruang tamu. Arep didawuhi apa ya, batine Jasmani rada deg-degan.
Pak Camat langsung ngacarani, ," Lenggah kene mas cedak Bapak kene" ngedikane Pak Camat sajak dumanak nyenengake. Jasmani banjur sumrinthil sendika dawuh. Trus Pak Camat ngendika maneh, " Nduk Rohani rene cedak Bapak kene" Rohani lan Jasmani lungguh kursi panjang ngapit Pak Camat.

    Rohani karo Jasmani mung pandeng-pandengan wedi mbokmenawa klera-kleru anggone kencan sak suwene iki. ☺

    Pak Camat trus ngendika, " Nak Jasmani lan kowe nduk Rohani apaya sampean sakloron rumangsa cocok sesrawunganmu? Dhene nek wis cocok mbokya kepiye menawa dibacutake rembug tua. Wong sampean sakloron yo dudu bocah maneh. Nek kesuwen nggonmu tetimbangan ndak marahi ora becik" Ngendikane Pak Camat drujus ra kena dipedot. Jasmani langsung wangsulan, " Lha malah keleresan Bapak, menawi Bapak sampun sarujuk. Kantun diajeng Rohani kadospundi? Kula derek mawon."

"Piye Nduk sliramu? Rak yo mathuk tho....? Ngendikane Pak Camat. Rohani sing didangu malah mung klecam-klecem karo nguwasi Jasmani.

Pak Camat langsung miwiti pangandikan. . . . .
"Yen wis pada mantep sarujuk. . . nak Jasmani tak aturi inggal mrantasi gawe kanggo rembug tua. Rak ya ngono tha Nak prayogane!"
"Kasinggihan Bapak!, wangsulane Jasmani mantep.
" Rak ya ngono tho dik?" ,omonge Jasmani karo nyenggol Rohani. Sing disenggol ora wangsulan mung klecam-klecem sajak kepranan.


Jilid. 8  
Dina Jumat bibar Jumatan rombongan nganten kakung pasrah srana marang penganten putri. Srana sing dipasrahake pepak tenan. Dientha-entha werna -werna. Ana kang arupa parsel ana kang diwadahi tenggok-tenggok.

    Ana majemukan , pisang raja setangkep, jenang, jadah, wajik, pondoh. Panganan cara Jawa. Ana klapa sak janjang, gedang kepok lan gedang pisto sak tundun. Sayur sak tenggok, ana wortel, kapri, brukoli, kembang kol, boncis, kentang, sawi, loncang sledri lan liya-liyane

 Bumbu pawon uga ana, wiwit brambang, bawang,  tumbar, mrica, pala,  manis jangan, cengkeh, mesoyi, kluwak, salam, laos, godong jeruk, sere, jahe, kencur lan sapanunggalane.

    Malah ana pitik jawa kemanggang werna putih mulus, karo werna ireng njanges. Ana uga jago blirik lancur. Isih ditambah wedus Jawa werna coklat kang dituntun.

   Woh-wohan kanggo buah, ana salak pondoh sak kranjang, duku palembang sak kranjang, jeruk keprok sak rinjing, klengkeng pimpong Prambanan.

    Durung meneh mas kawin kang arupa mas-masan sak pengadeg. Ana kalpika mata barlean, giwang, anting-anting, gelang krincing, kalung lan peniti renteng. Duite ditata ana kotak kaca ana 1.983.000 rupiah. Iku mertandani tahun nikahane, yo mung dinggo pepenget wae.

   Srana kang arupa busana uga pepek. Ana jarik Wahyu Tumurun kang dientho dadi kapal, diisi kain kebaya tille werna biri tosca, lan pasmina werna biru samberlilen kanggo layar, stagen ireng lan selop.

    Quran,mukena lan sajadah kang dientho kaya kubah mesjid. Katone pani, nresep nang ati.

    Kain rok saka batik printing werna biru laut kang dironce kaya kembang dipasang ana sepatu werna biru tua. Wah....jan necis.

    Anduk kang werna abang getih dientho kaya kelinci kang ngambarake kesuburan , dikantheni pakaian dalam . Kethok apik temata ing kranjang parsel.

Jilid 9
    Esuk iku daleme Pak Camat regeng, merga ana acara siraman calon pengantin. Kanggone wong Jawa mono upacara siraman iku isih dilaksanakeke. Kanggo nguri-uri budaya warisan leluhur.

    Upacara siraman iku diadani sak durunge malem midodareni. Biasane esuk udakara jam 8 munggah tekane jam10, utawa sore udakara bakda asar.

    Rohani diacarani diraman esuk udakara jam 9.00. Wiwit esuk mau wis iwut nyiapake ubarampene. Pengaron yaiku ember saka tanah liat, diisi banyu kang diparingi kembang setaman karo rajangan godong pandan wangi. Siwur, gayung kang digawe saka batok kang digarani pring. Kendi, adah banyu saka tanah liat. Dingklik duwur saka kayu. Kabeh mau disiapake ana plataran ngarep jeding. Kanggo kakung dewe, putri dewe.

    Rohani lan Jasmani disiapake wis ngagem tapih kemben jarit Parang drajat sa kloron. Rohani dilenggahake ana dingklik kang wis dicumawiske karo dukune nganten. Banjur diguyuri ngaggo ciduk siwur marang sesepuh. Urut saka eyang putrine Rohani saka keng Ranane, eyang putrine Rohani saka keng ibune. Lanjute trus budhe-budhene Rohani, bulik -bulike, keri dewe malah ibune Rohani. Terus banyu kendhi dipancurake ibune Rohani kagem wudhu Rohani. Banjur kendhine dipecah.

Jilid 11
    Wiwit subuh daleme Pak Camat wis ribut pada nyiapake kanggo ijab jam 08.00 mengko. Jam 6.30 wis diacarani sarapan kagem penganten lan kluargane.
    Menu esuk iki jan nyenengake wong nasi gudang lethok ala mbak Tami. Sayur gudange menggiyurkan ana tuntut kembang gedang, kenikir, adas saka Boyolali, tokolan . Lethoke isi tahu pong, tahu putih, krecek lan endog glundung. Isih ditambah krupuk karak ndrono. Wah.....mak yussss.

    Buahe dijupukake saka ater-ater srana ndek wingi. Ana gedang pista, salak pondoh, jeruk keprok, klengkeng lan sapanunggalane.

   Jam wolu tepat Pak Mansyur Kepala KUA Wonokarto wis rawuh. Penganten kakung uga wis rawuh, saka Wisma Giriwono. Penganten kakung ngagem busana setelan jas warno putih tulang lan dasi abang. Ehm necis tenan.

    Nganten putri wis dicawisake ana ruang tamu, yo ruangan kang dienggo ijab. Ageman kang diagem nganten putri, ngagem jarit Sidamukti batikane keng Eyange Rohani. Dilengkapi kebaya landung werna salem lan kudung putih tulang. Selope ngagem selop keckres werna salem. Wah.....katon manglingi tenan Rohani.

Penganten kakung namung dadi tamu, ing acara midodareni. Dadi penganten kakung isa mirsani calon garwane nganti njinggleng, tamat banget.

    Upacara midodareni iki dilaksanake bakda ngisak, udakara jam-jam 20.00 tekan ndungkap tengah wengi. Wah ya karo latihan melek, lan tirakatan wengi. Mbesuke nek kagungan putra cilik wis ora kaget.

    Menawa tangi tekan wayah tengah wengi kanggone Rohani wis biasa. Rohani asring nggarap tugase nganti tekan wengi. Rohani iku piyayine disiplin ora gelem ngendhe-ngende gawean. Apa tugase dilaksanakake tepat waktu. Apa malah ngelon-loni gawean. Dadi ora kemrungsung menawa tugas kudu ndang diserahake, diklumpukne.

    Pasugatan kanggo acara midodareni iki lumayan caem. Ana kue thok isi kumbu kacang tanah, mei sarang burung, karo mete asli Wonogiri. Ora metu sop, nanging diganti bakso kotak, mei ne nganggo mei misoa dadi lembut. Nasine nasi uduk oren kang dilawuhi ayam goreng kremes, sambel goreng kreni ikan saga, acar kuning, terik daging sapi lan krupuk rambak lalap saka Boyolali. Buahe wengi-wengi ora ngagem buah mung agar-agar jeli pasta.

    Masakane ya neka-neka wong sing ngayahi masak kawula muda kancane Rohani.
Nasi uduk oren kui nasi uduk kang bubar ngaru trus ditambahi parutan wortel kang diparut sasak , dadi wernane oren kaya woetel. Sing genah nasine ana sayure ben bergizi. Kandane sing masak.

    Sambel goreng kreni kok ya ikan saga ki gek kepiye. Ya maklum Wonogiri hasil waduk Gajah Mungkur akeh ikan saga tur yo bergizi kanggo nambah HB. Kanthi lelandesan iki ngapa ora dimanfaatke dadi sambel goreng kreni ikan saga khas Wonogiri. Merga ikan saga iku akehe saka waduk Gajah Mungkur Wonogiri, nah......trus diangkat mbak Titik dadi sambel goreng kreni ikan saga. Ha...ha.... Dasar mbak Titik pinter masak, tur neka - neka. Penjenengan wis nate dahar sambel goreng kreni ikan saga? Nek dereng tindak Wonogiri mundut ikan saga trus nyuwun resep mbak Titik sing pidalem wonten Kaloran Wonogiri

Jilid 12

Sak pungkure ijab, penganten didandani nganggo busana penganten model Surakarta Hadiningrat. Rampung dandan penganten diarak menyang gedung Aula SMEA Negri Wonogiri, kang mung keletan telung omah saka daleme Pak Camat. Jeneng diarak ya ora njuk diaturi jalan kaki ndarat, nanging wis disiapke mobil. Dadi yo arak-arakan nitih mobil. Ngarep dewe sedan Corola kuning kagem Romo lan ibune Rohani, nomer loro sedan Vorola putih ana hiasan kembang dititihi penganten sakloron. Mobil mburine isih pirang2 mobil kluarga lan kanca cedak. Mobil arak-arakan tekan gedung.

   Mudun saka mobil panganten kakung nunggu ana teras. Dene penganten putri dikawal manggolayuda yaiku mas Danang putrane mbak Tami, lan mas Wawan putrane mbak Tari. Nang mburine ana putri cilik loro, pangipas penganten yaiku mbak Ajeng putrane mbak Djam lan mbak Fetri putrane mbak Titik kang ngagem busana sabuk wala wah sajak kenes lucu. Lagi penganten putri kang kaapit Rama lan ibune . Ing mburine tata loro-loro keng rayine Rohani. Nganten ka lenggahake ana dampar kencana kang wis disiapake karo PRAKTIS   W. O.

Jilid 13

Penganten sakloron wis lenggah dampar kencana ka apit Rama lan ibune, katambahan widodari cilik loro kang tugas ngipasi penganten. Mula acara inggal kawiwitan. M C ne cilik putrane Pak Giyatto. Cilik nanging prigel, basane alus. Dasar bocah teater dadi yo prigel nek ngendikan lan ngadepi piyayi akeh. Pambagyo harjo kasalirani dening Pak Edi Erlangga saka Pacitan, ngendikane gandem empuk. Isine cekak aos dadi ora kesuwen.

    Diterusake maos ayat suci Al Quran. Petugase piyayi saka Depag, bu Mustafiah. Wak qori iki mrantasi tenan nek ngaos, suarane nggeterke atine para pemirenge. Diteruske terjemahane mas Mamed putrane dik Imah. Wah....jan..gandem tenan

Jilid 14
    Kairing acara-acara adat mau sinoman saka PRAKTIS W. O., sigap anggone ngaturake pasugatan. Suguhan teh Dandang manis wis cumawis ana gelas-gelas kang diparingke meja tamu.
    Daharan snak arupa sanggabuana. Yoiku sus ragoun daging lan sayur ditutup endog rebus glundung. Nduwure diparingi godong slada lan mayones.
    Sop...e ..metu sop matahari, kuah sitik. Dadi gizi ning ora marakake wareg. Yo gur nyilit kanggone kanoman. Ha...ha...
   Nasine, nasi ramesan. Lauke udang kentucki, terik daging sapi, endog dadar rajangan, acar kuning lan capjae.
    Es kanggo penutup, metu es cream sing dipadu karo jeli warna-warni lan tape ketan.

    Wah...peladene sinoman sigep. Arepa piring terbang, kagem piyayi udakara 800an, nanging cepet, trengginas, prigel tenan. Tak acungi jempol👍🏻 nek ngene iki. Siip tenan. Sasat kabeh keduman tur wektune meh bebarengan. Lha kepiye meneh wong yo jenenge wae  PRAKTIS W. O, yo mestine mrantasi samubarange.

    Pasugatan kang nengsemake yo pasugatan organ tunggal, pimpinane Pak Giyo guru akuntansi. Pasugatan iki minangka sumbangan saka SMK NEGRI WONOGIRI.  Sing main organ Pak Giyo gantian ro Pak Rully. Penyanyine ana dik Imah guru ekonomi, bu Wiwiek guru administrasi kantor,  Pak Umar Khumaini guru bahasa Inggris, lan liya-liyane.

    Ing pahargyan iku dik Imah nglantunke tembang " Setangkai Anggrek Bulan". Yo jelas dinyanyekake dik Imah, wong kui lagu pesenan kanca istimewane je.

    Wah...pengalaman dina kui jan nengsemake temenan. Nengsemake yo pasugatan lagune, yo pasugatan konsumsine sing enak sedep tur cekatan carane ngaturke. Wah pokoke elok tenan. Sing apik ki jane ngantene, suguhan, tontonane, apa merga Praktis W. O, aku ora mudeng.

    Kanyata pas ndungkap dhuhur acara wis rampunh. Tamu undangan isa luhuran ana ndaleme dewe-dewe, apa ana masjid. Nah....acara pasamuan ngene iki lho sing nengsemake . Ora perlu ninggalake wrktu sholat. Dadi sholate isa tepat wektu. He...he..

Jilid 15

    Sorene bubar ngasar bu Camat wis iwut ngedum bancakan sega gudang marang cah cilik-cilik. Pamrihe yo puji syukur marang kang gawe urip. Yo sing ngecet lombok isa ijo, isa abang.

    Bancakan mono arupa sega putih dangdangan kukusan pring. Lawuhe gudang, bubuk. Cabuk. gereh petek.

    Sayur gudange saka kangkung kang dipotong panjang, kanti makna ben bisa nlolor ngrembaka sing golek pangan. Kacang panjang kang dipotong dawa, kanthi maksud ben bisa panjang yuswa. Tokolan kacang ijo, kanti pangajab bisa a tukul mrucuk kaya tokolan.

    Bubuk dele pamrihe yen ana masalah inggal rampung ora bertele-tele. Gereh petek ben isa enggal mbethek apa kang arep kalakon. Cabuk wijen ben bisa urip temata manawa masalah iku kanggo cambuk ben isa mrantasi gawe. Dene bumbu urap klapa enom, ngandung maksud pasrawungan ing masyarakat ben bisa membaur. Ora mbang jinde,mbangciladan pilih-pilih.

    Budaya Jawa ki neka-neka . Nanging akeh sanepan kang kebak hikmah kanggone manungsa urip.

Jilid 16

    Kanthi bancaan kanyata bisa ngukuhake paseduluran tangga teparo,sanak, kadang bisa rumaket. Bancaan kang mung arupa sega kang dikukus nganggo kukusan pring, kang njalari segane sehat.
    Merga sega kang didang nganggo kukusan pring iku racune wis kesedot  rikala proses adang. Sumup banyu kang panas isa mengaktifke pring kang dinam dadi kukusan nyedot racun kang ana beras kang lagi proses dimasak.

    Dene sayuran kang arupa kangkung, kacang panjang,tokolan kacang ijo kang didang nganggo kukusan pring iku uga sehat. Maksude mbok menawa ana racun, wis dinetralisir kukusan pring. Wah......wog Jasski teknologine malah canggih jebule

    Endog godog glundung syarate uga dikukus nganggo kukusan pring, kanggo netralake tacime. Lha anggone nyajekake endog ora diglundungake , nanging disigar dadi wolu. Pamrihe ben isa mestekake menawa endoge wis mateng. Saliyane iku mengku maksud nggambarake menawa isa lumrah.

Jilid 17

    Limang ndina sawise ijabe Rohani, wiwit esuk daleme Pak Camat regeng meneh.Bubar ngisak arep pembubaran panitia. Mula pada iwut masak-masak kanggo suguhan mengko.

    Sakliyane iku uga pas sepasaran manten. Mula sore sak bubare asyar bu Camat arep mbagekake bancaan sepasaran manten. Ngiras pantes sumsuman panitia. Maksude pembubaran panitia, atur nuwun wis dibantu ubarampene anggone mantu🙏🏻

Sore iku bu Camat nggelar bancaan. Bocah cilik-cilik saka kiwa tengene dalem pada ngumpul. Bocah-bocah pada diparingi pincuk godong gedang kang isi sega, gudang urap, endog, sambel cabuk ala Wonogiri lan gerek petek.

Wah. . . .sedep dimaem nganggo tangan rame-rame ro kancane. Bocah kang ora doyan maen dadi selera gelem maem👍🏻

Bubar ngisak para tamu panitia mantenan wis pada rawuh. Tamu diacarani lenggah ramah tamah ing ruang tamu kang wis digelari klasa. Para rewang kang nang mburi iwut nyepakne suguhan

Unjukan teh manis lan nyamikan diaturake. Diteruske bestik bunga mawar komplit sak sayur lan mayonese. Segane sega wiwit ngiras pantes karo bancakan. Buahe gedang pesta,pisang kulit tipis saka Jatisrana.

    Acara wis kacakup tamu pada kondur. Para tamu kang rawuh diaturi gandulan. Gandulane arupa roti bronis kacang kering sak dos. Isih ditambahi bubur sumsum diwadahi mangkok.

    Bubur sumsun iku nduweni makna kesele dadi panitia wis diganti sumsume. Dadi isa seger meneh. Merga sumsum tulang belakang iku tugase memproduksi butir darah merah. Nak....wong Jawa kuna iku akeh ngagem sanepan kanggo ngutarakake kersane.

Jilid 19 

    Subuh-subuh daleme Pak Camat wis rame. Dina iku Setu legi, ngepasi pengetan genep telung sasi Rohani anggarbeni.

    Bancaane werna loro. Siji sega gudang biasane. Sing siji sega gurih kuning putih kang diwadahi takir pontang. Sega gurih mau dilawuhi dadar rajang, daging unggas telung werna lan iwak banyu telung werna uga. Isih ana rujak woh-wohan werna telu.

    Upacarane si ibu kang ngandut yo Rohani iku disirami nganggo banyu kembang, lan tapihe diganti ngati ping telu. Tapih kang dianggo yo tapih kang ngemu teges. Umpamane tapih kang kapisan, jarit Wahyu tumurun, trus jarit kang kapindo jarit Sida mukti, jarit kang katelu jarit Sida luhur.

    Upacara iki biasane dianakake bubar subuh, utawa bubar asyar. Dadi tepat wayah piyayi siram esuk apa sore.

    Bancaane mau diatur-,aturke tangga teparo, sanak kadang. Kanggo tanda ngabari menawa Rohani wis ngancik telung wulan. Pisan kabar seneng yo kabar nyuwun donga pangestu.

   Sing jelas bancaan lan ubarampene iku kena kanggo pangukuh paseduluran . Rak nggih ngaten tha para sederek.

Jilid 20

    Wiwit sore daleme Pak Camat wis regeng. Ana sing gawe ketupat. Ana sing oncek-oncek pala kependem. Ana sing oncek - oncek buah kanggo tujak. Ana sing masak daging unggas lan iwak banyu. Ana sing iwut suwek-suwek godong kanggo gawe pincuk lan takir. Ana sing gawe lepet. Ana sing gawe takir pontang, yoiku takir saka janur.

    Minggu paing iki kandutane Rohani wis ngancik pitung wulan. Mula arep dianakake pahargyan mitoni. Ubarampe kang kanggo upcara mitoni wis disiapake

    Cengkir gading kang digambari Kumojaya, Kumoratih wis siap. Sing gambar wae mas Bawa keng rayine Rohani. Jarit nyamping kang werna pitu uga wis disiapake. Ana jarit Wahyu tumurun, sida mukti, sida luhur, satriya wibawa,parang drajat, trumtum lan lurik Pedan.

    Wayah fajar  ubarampe bancaan  wis mateng. Kabeh wis cumawis. Tumpeng sega gudang sing kanggo bancakan wis siyaga karo pincuke pisan. Takir pontang kang ana 52 iji wis diwenehe isi sega gurih kuning putih kang dilawuhi dadar rajang, dele ireng sangan lan daging unggas werna pitu lan iwak banyu werna pitu wis cumawis.

Jilid 21

    Sakliyane iku rujak uga wis diwadahi takir godong gedang uga wis cumawis. Rujak nganggo timun, nanas, bengkoang, jambu, pelem mentah, kweni, dondong lan melon ketok apik. Wah...seger, arum...ambune

    Ketan werna uga wis cumepak ing sudi. Ketan putih, ketan ireng, ketan ijo kang nganggo pewarna alami saka daun suji, ketan kuning sing diwerna nanggo kunir, ketan ungu sing ditambahi werna saka ketela ungu, lan ketan soklat kang diwerna gula jawa, trus tambah enten-enten klapa enom. Duh......menarik.. .  wernane sajak nengsemake.

    Bubar subuh wis diacarani kanggo upacara kawiwitan. Ibu kang ngandut pitung wulan yaiku Rohani, ka lenggahake dingklik plastik duwur ing kamar mandi/jeding. Pengaron kang isi banyu saka pitung sumur lan kembang telon wis cumawis sak siwure.

    Keng Rama lan ibune Rohani kang pisanan ngguyur Rohani nganggo banyu kembang. Trus diteruske ganti jarit nganti ping pitu. Sing keri dewe ganti nganggo jarit lurik. Sabanjure cengkir gading kang wis digambari Kumajaya Kumaratih di lebokake jarit saka nduwur mudun menhisor. Sing nglebokake bapake jabang bayi yo Jasmani. Enggal katampanan cengkire.. Cengkir iku banjur kagendong keng ibune Jasmani, dipapanake ana peturone Rohani.

    Rohani trus kadabyang mlebu kamar salin ageman kang nyaman. Rikmane Rohani diratus ben inggal garing lan wangi ora penguk.

    Bubar upacara siraman bu Camat trus nggelar tumpeng ka bagekake dadi bancaan nang pincuk . Trus dibagekake bocah cilik-cilik.

NB:
Cerita ini diambil dari kiriman teman di grup WA.